Атырдьах ыйын 18 күнүгэр Амма сэлиэнньэтин Муона ипподромугар үгэс буолбут, дьон сэргэ биһирэбилин ылбыт «Лээги Кубога» ат сүүрдүүтэ ыытылынна.
Сыл аайы «Лээги Кубога» сайдан иһэр. Саха өрөспүүбүлүкэтигэр биир үрдүк тэрээһиннээх ат сүүрдүүтүн күрэхтэһиитэ диэтэхпитинэ, сыыспааппыт буолуо. Ол курдук, быйылгы бириис уопсай суумата 4 000 000 солк. буолла. Кубогы биллэр меценат, урбаанньыт Руслан Федотов уонна мас тардыһыытын легендата, биллэр ат баайааччы Анатолий Баишев иилээн саҕалаан тэрийэллэр.
800 миэтэрэҕэ сүүрүүгэ 58.9 сөкүүндэ көрдөрүүлээх Амматтан Литтл Лайт үһүс миэстэҕэ тигистэ. Оттон Хаҥаластан кэлбит Голден Фокс 58.5 сөкүүндэннэн фиништаан иккис бочуоттаах миэстэни ылла. Забайкальскай кыраайтан кэлбит, 58.2 сөкүүндэ бириэмэлээх Эйр Джет чөмпүйүөн үрдүк аатын сүктэ. Кыайыылаах 300 000 солкуобайынан наҕараадаланна.
1600 миэтэрэҕэ сүүрүүгэ Амма улууһун аттара кытыннылар. Үһүс бочуоттаах миэстэни 2.04.3 сөкүүндэ көрдөрүүлээх Варадеро ылла. Иккис миэстэҕэ таҕыста 2.03.9 сөкүүндэ көрдөрүүлээх Стимул. Чөмпүйүөн үрдүк аатын 2.03.5 сөкүүндэ көрдөрүүлээх Эсквайр сүктэ. Кыайыылаах 200 000 солкуобайынан наҕараадаланна.
2000 миэтэрэҕэ сүүрүүгэ 2.24.9 сөкүүндэ көрдөрүүлээх Үөһээ Бүлүүттэн Кул Джет үһүс миэстэҕэ таҕыста. Иккис миэстэни 2.24.2 сөкүүндэ көрдөрүүлээх Амматтан Эдимон ылла. Чөмпүйүөн үрдүк аатын 2.22.9 сөкүүндэ көрдөрүүлээх Үөһээ Бүлүүттэн Анна Болейн сүктэ. Кыайыылаах 300 000 солкуобайынан наҕараадаланна.
3200 миэтэрэҕэ сүүрүү. «Дьөһөгөй Үрдэлэ» (Национальное достояние)
Хаҥалас улууһун уонна Нөмүгү нэһилиэгин бочуоттаах олохтооҕо, үлэ уонна тыыл бэтэрээнэ Иван Петрович Никифоров оҕолоро уонна сиэттэрэ эһэлэригэр махтанан “Дьөһөгөй Үрдэлэ” (“Национальное Достояние”) диэн 3200 миэтэрэлээх дистанцияҕа 1 000 000 солк. бириис туруорбуттара. Бу дистанцияҕа тыҥааһыннаах киирсии түмүгүнэн, үһүс миэстэни Чурапчыттан кэлбит, 4.23.1 сөкүүндэ көрдөрүүлээх Байтал ылла. Иккис миэстэҕэ таҕыста Мэҥэ Хаҥаластан 4.22.6 сөкүүндэ көрдөрүүлээх Флоренция Суола. Чөмпүйүөн үрдүк аатын 4.18.2 сөкүүндэ көрдөрүүлээх Чурапчыттан Тускул сүктэ. Кыайыылаахха 1 000 000 солкуобай туттарылынна.
2400 миэтэрэҕэ сүүрүү. «Лээги Кубога»
2017 сыллааҕы «Лээги Кубогын» кыайыылааҕын аатын 2400 миэтэрэҕэ сүүрүүгэ тоҕус ат былдьаста. Тыҥааһыннаах киирсии түмүгүнэн, үһүс миэстэни 3.01.3 сөкүүндэ көрдөрүүлээх Чурапчыттан Мэйн Конинг ылла. Иккис миэстэҕэ 3.00.9 сөкүүндэ көрдөрүүлээх Амматтан Фрут Элли тигистэ. Чөмпүйүөн аатын 2.59.4 сөкүүндэ көрдөрүүлээх Үөһээ Бүлүүттэн Корибиан Бой сүктэ. Кыайыылаахха Руслан Федотов туруорбут 2 000 000 солк. бириис туттарылынна.
Сүүрүү түмүктэрэ:
800 миэтэрэҕэ сүүрүү
1.Эйр Джет-0.58.2 (Забайкальскай кыраай)
2.Голден Фокс-0.58.5
3.Литтл Лайт-0.58.9
4.Айнцер Гут-0.59.3
5.Барокко -0.59.6
6.Бо Виннер-1.00.0
7.Мааны-1.01.2
8.Глория Блюз-1.02.2
9.Эркин-1.02.7
Премьера кыттыыны ылбата
1600 миэтэрэҕэ сүүрүү
1.Эсквайр-2.03.5
2.Стимул-2.03.9
3.Варадеро-2.04.3
4.Британика-2.27.1
3200 миэтэрэҕэ сүүрүү. «Дьөһөгөй Үрдэлэ» (НАЦИОНАЛЬНОЕ ДОСТОЯНИЕ)
1.Тускул-4.18.2
2.Флоренция Суола-4.22.6
3.Байтал-4.23.1
4.Милан-4.34.3
5.Архангел-4.37.8
6.Толедо-4.43.7
7.Синьорита-5.28.9
Голден Граф уонна Крэк кытыыны ылбатылар
2000 миэтэрэҕэ сүүрүү
1.Анна Болейн-2.22.9
2.Эдимон -2.24.2
3.Кул Джет-2.24.9
4.Альтер-2.25.6
5.Джиант Бэнд-2.26.9 (Забайкальскай кыраай)
6.Неарх-2.27.2
7.Турбо Дансер -2.27.5
8.Дилинджер-2.27.9
9.Гоу Стивен-2.30.1
2400 миэиэрэҕэ сүүрүү. «Лээги Кубога» 2017
1.Корибиан Бой-2.59.4
2.Фрут Элли -3.00.9
3.Майн Кёниг-3.01.3
4.Санта Люсия-3.01.6
5.Хэвенли Стид-3.06.7
6.Рокси Алекс-3.08.2
7.Зальто-3.08.5
8.Илья Муромец -3.11.5 (Забайкальскай кыраай)
Белмэн жокея түһэн хаалан туораата.
Видео:
Николай Попов «Саха сирэ» хаһыат, edersaas.ru