Үлэ министиэристибэтэ халаантан эмсэҕэлээбиттэргэ көмө оҥоруо

Бөлөххө киир:

Халаантан эмсэҕэлээбит дьоҥҥо СӨ үлэ, социальнай сайдыы министиэристибэтэ көмөнү оҥоруоҕа.


Миниистир Александр Михеев иһитиннэрбитинэн, реабилитационнай кииннэргэ  43 оҕону ыларга бэлэмнэр. Ону тэҥэ, “Виктория” лааҕырга сайын устата 600 оҕону, Дьокуускайга инбэлииттэр техникум-интэринээттэрин базатыгар 100 оҕону сайыҥҥы лааҕырдарга сынньатыахтара. Онон 700-тэн тахса оҕо сайыҥҥы сынньалаҥнарын хааччыйыахтара.

Министиэристибэ хайысхатынан ыарахан балаһыанньаҕа түбэспит дьиэ кэргэттэргэ биирдэ бэриллэр көмө оҥоһуллар. Бу бырагыраама бүддьүөтүгэр 160 мөлүйүөн солк. көрүллэр, ону олохтоох салайыныы уорганнарынан тарҕаталлар. Билигин квотаны хат көрөн, эмсэҕэлээбит улуустарга тиэрдэргэ үлэ бара турар. Холобур, аҥардас Амма улууһугар көмөҕө 5,5 мөл. солк. ирдэнэр.

Cанатар буоллахха, министиэристибэ кэлэктиибэ биир күннээх хамнастарын халаантан эмсэҕэлээбиттэргэ ыытарга быһаарбыттара. 291 800 солкуобайы хомуйан ыыппыттара, сорох кэлэктииптэр аһынан-таҥаһынан материальнай көмөнү оҥорбуттара. Социальнай тэрилтэлэргэ эвакуационнай кииннэр тэриллибиттэрэ, быыһааччылар быстах кэмҥэ олохсуйбуттара. Оттон социальнай үлэһиттэр ЫБММ үлэһиттэрин кытта тэҥҥэ сылдьан писхологическай өҥөнү, кырдьаҕастарга, инбэлииттэргэ көмөлөспүттэрэ.

Ангелина ВАСИЛЬЕВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0