Үлэһиттэргэ хамнастара төлөннө — борокуратуураҕа махтал!

Ааптар: 
Бөлөххө киир:

Мииринэйгэ «Коммунальщик» унитарнай тэрилтэ 77 үлэһитэ хамнаһын ылбатаҕа хас да ый буолбут.

edersaas.ru

Мииринэй куорат борокуратуурата ыыппыт бэрэбиэркэтэ быһаарбытынан, бу тэрилтэ хамнаска иэһэ алтынньы ыйынааҕы туругунан, 2 мөл. 956 тыһ. солк. тахса буолбут.

Хамнастарын ылбакка сылдьар үлэһиттэр интэриэстэрин көмүскээн, борокуратуура суукка сайабылыанньа киллэрбит. Итиэннэ бу тэрилтэ салайааччытыгар РФ Административнай кодексатын  5.27-с ыст. 7-с чааһынан дьыала тэрийбит.

Инньэ гынан, борокуратуура орооһон, итиччэлээхэй элбэх иэс төлөммүт, үлэһиттэр бырааптара көмүскэммит.

Бу туһунан СӨ Борокуратууратын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0