Латвияҕа ыһыах буолла диэн СӨ Тас сибээскэ министиэристибэтэ иһитиннэрэр.
Латвияҕа уонна Эстонияҕа олорор Саха сириттэн төрүттээх дьон Ригаҕа мустан, Латвия национальнай-култуурунай уопсастыбаларын Ассоциацияларын пааркатыгар сирэм күөх сайыны көрсөн, ыһыах ыспыттар. Бу долгуйа күүппүт бэртээхэй ыһыахтарын түһүлгэтигэр доҕотторо уонна ыалдьыттар сэргээн, сэҥээрэн түмсүбүттэр.
Маанылаах түһүлгэҕэ ыалдьыттары «Чороон» уопсастыба көхтөөх кыттааччыта, бэтэрээн Владимир Бережнов алгыһынан уруйдаан-айхаллаан көрсүбүт. Салгыы Саха Өрөспүүбүлүкэтин Өрөгөй ырыата дуорайбыт.
Бу күн түһүлгэҕэ тапталлаах төрөөбүт дойдуларын туһунан ырыалар дьиэрэйбиттэр, ахтар-саныыр Сахаларын сирин туһунан дуоһуйа сэһэргэспиттэр, алгыс тылынан айхаллаабыт Владимир Бережнову 75 сааһын туолбутунан истиҥник эҕэрдэлээбиттэр.
Тэрийээччилэр СӨ Тас сибээскэ уонна норуоттар дьыалаларыгар министиэристибэтигэр итиэннэ Латвия национальнай-култуурунай уопсастыбатын Ассоциациятыгар өйөбүллэрин иһин махталларын тиэрдибиттэр.
Хаартыска: Алиса Нестер түһэриитэ.