Өлөөннөр дьиэҕэ олорор кэмнэригэр туһалааҕынан дьарыктаналлар

Ааптар: 
Бөлөххө киир:

Улуустар муниципальнай тэриллиилэрин  саайтарыгар сүрүннээн дьыалабыай ис хоһоонноох матырыйааллар тахсаллар.

edersaas.ru

Ол эрээри, күннээҕи олох түбүктэрин, сонуннарын суруйар пресс-сулууспалар матырыйаалларын аахтаххына, бу улуус саайтыттан арахсыаххын баҕарбаккын, ыалдьыт быһыытынан ол улуус «аанын» хайаан да «тоҥсуйаҕын».

Мин ордук Өлөөн улууһун дьаһалтатын саайтын сөбүлээтим. Ол курдук, дьиэҕэ олоруу кэмигэр улуус олохтоохторо туох туһалаах дьыаланан дьарыктаналларын хаартысканан кэпсээбиттэрэ оһуобай!

Холобура, бу —  үһүс кылаас үөрэнээччитэ Альгис Кучаров. Кини дьиэтигэр олорон минньигэс бурдук аһы астыырга үөрэммит.

«Северянка-2019» куонкурус кыайыылааҕа Надежда Колодезникова сиэнин  иискэ уһуйар эбит.

Эбээлээх сиэн минньигэс бурдук аһы иккиэн астаан дьиэлээхтэрин эмиэ үөрдэллэр. Өр кэмҥэ дьиэҕэ олоруу көлүөнэни ситимнээбитэ — бу хаартыскаҕа.

Владимир Бенчик таһырдьа дьиэтин хаарын күрдьээт, дьиэтигэр киирэн муусуканан дьарыктаммытынан барар. Кини дьиэҕэ олорор кэмигэр бэрт үгүс муусука бэртээхэй айымньытын үөрэттэ.

Ити курдук, Өлөөн улууһун олохтоохторо дьиэҕэ олорор кэмнэригэр туһалааҕынан дьарыктаналлар.

Елена ПОТОЦКАЯ, «Саха сирэ» хаһыат, edersaas.ru

Хаартыска: «Өлөөн эбэҥки национальнай оройуона» МО саайтыттан

+1
0
+1
0
+1
0
+1
0
+1
0
+1
0
+1
0