Өлөөн ыаллара сибэкки олортулар

Ааптар: 
Бөлөххө киир:

Дьиэ кэргэн, таптал уонна бэйэ-бэйэҕэ эрэллээх буолуу күнэ Өлөөҥҥө истиҥник, сэргэхтик ааста.

Бастатан туран, «Ах, эта свадьба» хаартысканан күөн күрэс куйаар ситиминэн саҕаланна. Бу күрэскэ ким баҕалаах кыттар. Иһитиннэрбиттэринэн, түмүк от ыйын 15 күнүгэр таһаарыллыахтаах. Күрэскэ сыбаайбаттан хаартыскалары,  сыбаайбалаахтар хаартыскаларын ыыталлар. Өлөөннөр манна үөрэ-көтө кытталлар. Тэрийээччилэр бастыҥтан бастыҥ хаартыскалар оройуон тэриллибитэ 85 сылынан тахсар ЗАГС альбомугар киллэриллиэхтэрэ диэн биллэрбиттэр.

-Маны сэргэ, бэлиэ күнүнэн үбүлүөйдээх биэс ыалы  чиэстээтилэр, эҕэрдэ тыллар этилиннилэр, бэлэхтэр туттарылыннылар. Ону сэргэ, бүгүн ыал буолан олохторун холбуур кэрэ-бэлиэ күннэринэн эдэр ыалы — Татакановтары  эҕэрдэлээтилэр. Оттон 35 сыл бииргэ иллээхтик-эйэлээхтик олорбут Федоровтар эдэрдэргэ истиҥ санааларын, сүбэлэрин тиэртилэр.

Дьиэ кэргэн, таптал, бэйэ-бэйэҕэ эрэллээх буолуу бэлиэтигэр, үөрүүлээх түгэҥҥэ мустубут дьиэ кэргэттэр улуустааҕы ЗАГС дьиэтин таһыгар ромашка сибэккилэри олортулар. Ол кэнниттэн, анаан оҥоһуллубут, киэргэтиллибит сиргэ хаартыскаҕа түстүлэр, — диэн сырдатта «Кэнчээри» оҕо саадын сэбиэдиссэйэ Алла Петрова.

+1
0
+1
0
+1
0
+1
0
+1
0
+1
0
+1
0