Өлөөн улууһун «Кэнчээри» уһуйааныгар «Байанай» нэдиэлэтэ түмүктэннэ.
Уһуйаан оҕолоругар иитээччилэр аар айылҕа кистэлэҥин, дьикти кэрэ көстүүтүн, өбүгэ үгэһин, сиэрин-туомун, Баай Байанай туһунан бэрт элбэҕи кэпсээтилэр, оонньуу, күрэс арааһын тэрийдилэр. Хас биирдии тэрээһин бырааһынньык курдук тэрилиннэ.
Төрөппүттэр кырачааннарын кытары улаханнык долгуйан туран бары тэрээһиннэргэ көхтөөхтүк кытыннылар, оҕолоругар тирэх буоллулар диэн иһитиннэрдэ сэбиэдиссэй Алла Петрова.
Түмүккэ оҕолор «Төрөөбүт Өлөөнүм» диэн Уйаандьы тылларыгар, В.Захаров матыыбыгар Өлөөн улууһун өрөгөй ырыатын ис сүрэхтэриттэн улаханнык астынан, киэн туттан туран ыллаатылар.
Сардаана БАСНАЕВА, «Саха сирэ» хаһыат, edersaas.ru
+1
+1
+1
+1
+1
+1
+1