Өлүөхүмэлэр сыыры уонна арыыны астыыллар
Олох-дьаһах

Өлүөхүмэлэр сыыры уонна арыыны астыыллар

Коронавирус дьаҥыттан сэрэнэн, үлэ тиһигэ хайдах тэриллибитин туһунан «Өлүөхүмэ кыладабыайа» ХЭУо салайааччыта Василий Сафонов маннык кэпсиир:

edersaas.ru

— Ханна да буоларын курдук, салалта аппараата, бухгалтерия тэйиччиттэн үлэлиир эрэсиимҥэ көспүтэ. Аһылык кэмбинээтигэр туора киһи сылдьара бобуллубута. Үлэһиттэр бары халааттаах, мааскалаах сылдьан үлэлииллэр. Оттон пиэрмэҕэ ынах тэйиччиттэн аһыыр-сиир, ыаныллар кыаҕа суох. Онон ыанньыксыттар миэстэтигэр тиийэн үлэлииллэр-хамсыыллар.

Билиҥҥи туругунан, күҥҥэ 4,7 туонна үүтү, ол иһигэр 2,7 туоннаны бэйэбит пиэрмэлэрбититтэн, 2 туоннаны чааһынай хаһаайыстыбалартан тутан астыыбыт. Бородууксуйабытын сүрүннээн ылар оскуолалар уонна оҕо саадтара сабылланнар, улахан хоромньуну көрүстүбүт. Дьиҥинэн бу сылга киирэн баран, үүт атыылаһыллар сыанытын 50 % үрдэппиппит, ол эрээри ити хоромньуну көрсөммүт, улуус дьаһалтатын сүбэтинэн, муус устар 1 күнүттэн үрүҥ ас сыанатын былырыыҥҥы таһымыгар түһэрдибит. Билигин үрүҥ аһы астыыры аҕыйатан, сүрүннээн сыыры уонна арыыны оҥоро олоробут.

Валерий Малышев, Өлүөхүмэ, «Саха сирэ» хаһыат, edersaas.ru саайтка анаан

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

3 + 9 =