Бэйэ дьыалатын арынааччыларга — 150 тыһ. солкуобай...
Олох-дьаһах - Саха ыала

Бэйэ дьыалатын арынааччыларга — 150 тыһ. солкуобай

Үлэтэ суох дьон бэйэ дьыалатын арыналларыгар анаан быйыл өрөспүүбүлүкэ бүддьүөтүттэн 35,2 мөл. солк. биэриэхтэрэ. Ол эрээри, былырыын бу суума 40,7 мөл. солк. этэ.

edersaas.ru

Дьарыктаах буолуу кэмитиэтин дааннайынан, быйыл 200-кэ үлэтэ суох киһиэхэ бэйэ дьыалатын арынарга диэн 150-нии тыһ. солк., регистрацияланарга 2 тыһ. солк. биэриэхтээхтэр.

Ыам ыйынааҕы туругунан, өрөспүүбүлүкэ үрдүнэн үлэтэ суох дьону кытта 76 дуогабар түһэрсиллибит.

Маны таһынан, үлэлээбэт дьоҥҥо социальнай хантараак көмө быһыытынан бэриллэр. Холобур, 2018 сылга 1292 дьиэ кэргэҥҥэ 199,9 мөл. солк. суумалаах хантараак оҥоһуллубута. Көмө орто кээмэйэ – 154 тыһ. солк. Бу харчыны дьон төнүннэрбэттэр, отчуоттууллар эрэ.

Бырабыыталыстыба 2019 сылга кыаммат дьон уопсай ахсааныттан 9,6 %-гар социальнай хантараагы түһэрсэр былааннаах. Онон бу сыл көмө улаатан, социальнай хантараак бырагырааматыгар 255 мөл. солк. көрүллүөҕэ.

Ангелина Васильева, “Саха сирэ” хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

семь + двадцать =