Бу күннэргэ дьиэҕэ олоруу эрэсиимин кэмигэр Дьокуускайдааҕы Бизнес-инкубатор иһинэн тэйиччи олорон (дистанционно) үлэлиир резиденнэр баар буоллулар.
edersaas.ru
Ол курдук, Урбаан, эргиэн уонна туризм пресс-сулууспата иһитиннэрбитинэн, бизнес-инкубатор биллэрбит куонкуруһгар @kytyl_ykt. диэн резиденнэр кыайыылааҕынан таҕыстылар. Василиса Диодорова уонна Андрей Федоров олохтоох астан, нууччалыы эттэххэ, полуфабрикаттары оҥорон таһааран батарар “Кытыл” сыаҕы тэриннилэр. Кинилэр билимиэн, куурусса уонна ынах этиттэн кэтилиэт, балык ас, онтон да минньигэс ас оҥоһуктары оҥорон атыылыыр буоллулар.
Андрейдаах Василиса биир нэһилиэккэ ыаллыы олорон улааппыттар. Бэйэ-бэйэлэрин үчүгэйдик билсэр дьон уруккуттан ас сыаҕын тэрийэхтэрин баҕараллар эбит. Андрей Дьокуускайдааҕы Политехническай лицейгэ 6-с квалификациялаах шеф-пуобарынан үлэлиир. Кини өрөпүүбүлүкэ таһыгар тиийэ араас куонкурустарга миэстэлэспит уопуттаах асчыт. Онтон Василиса иккис оҕотун көрөн олорор. Онон астыырга бириэмэлээх.
Саҥа дьыалаларын саҕалаан эрэр эдэр урбаанньыттары «Мин биисинэһим» киин өйөөбүт. Онон сотору кэминэн «кытыллар» минньигэс астара маҕаһыыннарга тахсыахтара, дьон социальнай ситимнэр нөҥүө сакаастыахтара.
Елена ПОТОЦКАЯ, «Cаха сирэ» хаһыат, edersaas.ru
Хаартыска — Предпринимательство, эргиэн уонна туризм пресс-сулууспата.