Кытайга турбут коронавируснай инфекцияттан сылтаан улахан аймалҕан таҕыста. Арассыыйаҕа бу вирус олунньуга киириэн сөбүн сабаҕалыыллар.
edersaas.ru
Социальнай ситимнэринэн Кытайга ХИФУ 50 устудьуона дойдуларыгар каникулга кэлээри сылдьаллар, төрөппүттэр балаһыанньа уоскуйуор диэри академическай уоппускаҕа ыытаары түбүгүрэллэр диэн сурах тарҕанна.
Биһиги ХИФУ омук сирин филологиятын уонна регионоведениетын институтугар эрийэ сырыттыбыт. «Кытайга үөрэнэр устудьуоннар кулун тутарга диэри каникуллара, онон оҕолор өссө Саҥа Дьыл иннинэ кэлэн улуустарынан тарҕаспыттара. Бу бүгүн бүтэһик бөлөх кэлиэхтээх. Биһиги оҕолорбут Кытай хоту өттүгэр үөрэнэллэр, оттон коронавируснай инфекция дойду соҕуруу эрэгийиэнигэр өрө турда», — диэн иһитиннэрдилэр үөрэх кыһатыгар.
Кытайтан кэлэр сөмөлүөтү Дьокуускайга кытаанахтык бэрэбиэркэлииллэр, ыарыы тарҕамматын туһугар бары санитарнай миэрэни ылаллар.
Марианна Тыртыкова, «Саха сирэ», edersaas.ru
Хаартыска интэриниэттэн туһанылынна.