Чурапчыга быйыл «Тыа сирин территорияларын биир кэлим сайыннарыы» федеральнай бырагыраама чэрчитинэн Кытаанах нэһилиэгэр 9025 миэстэлээх оскуола-саад тутуутун үлэтэ ыытылла турар.
edersaas.ru
Улуус баһылыга Андрей Ноговицын:
— Нэдиэлэ ахсын үлэ барыытын хонтуруоллуубут. Бу иннинээҕи тутуулар барыта санаа хоту «ылы-чып» барбыт буоллахтарына, быйыл пандемия буолан тутуу үлэтигэр ыарахаттар баалларын этэр наада. Маныаха, кэлии үлэһиттэри булуу уустуктардаах буолан, барыта бэйэбит уолаттарбыт, ыччаттарбыт үлэлии сылдьаллар. Биллэн туран, маннык улахан тутууга саҥа уһуйуллан эрэр дьон күннээҕи үлэлэрин таһаарыыта бытааран, графиктан хаалыы куттала баар. Онон, мантан күһүн үлэни өссө күүскэ хонтуруоллаан, баар мэһэйдэри аахсыбакка тутууну бириэмэтигэр бүтэрэр улахан сорук турар. Бу курдук, олох оскуолатыттан үөрэнэн, саха уолаттара маннык баараҕай тутууларга идэни баһылыыр буола сайдан тахсыыларыгар, миэстэтигэр үлэлэһии олус наадата, илэ көһүннэ, — диэн инстаграмҥа тус страницатыгар суруйда.
edersaas.ru