Кыстык: “Өлүөхүмэ кыладабыайыгар” саппаас от бэриллэр буолла

Ааптар: 
Бөлөххө киир:

Ааспыт сайын кураан буолан, “Өлүөхүмэ кыладабыайа” ХЭТ сүөһү сүмэһиннээх аһылыгын соҕотуопкатыгар былаанын кыайан толорботоҕо.

Тыа хаһаайыстыбатын улуустааҕы управлениетын салайааччы Федор Чердонов иһитиннэрбитинэн, хаһаайыстыба сайын устата күүскэ үлэлээн, бэлэмнээбит ото, сенаһа уонна сиилэһэ ааспыт сыллардааҕар икки төгүл аҕыйах эбит.

– “Өлүөхүмэ кыладабыайа” улууспут саамай бөдөҥ хаһаайыстыбата буолар, икки пиэрмэнэн 900 сүөһүлээх. Билигин баар 1000 т ото, 124 т сенаһа, 144 т сиилэһэ, 80 т бурдуга тиийбэт туруктааҕын иһин, улуус саппаас пуондатыттан 218 туона оту биэрэргэ быһаардыбыт. Ону таһынан Сунтаар улууһуттан сүмэһиннээх аһылыгы эбии атыылаһар туһунан кэпсэтэ сылдьабыт.


Бу күннэргэ улууска “Туймаада” ҮАПК агрохолдинг генеральнай дириэктэрэ Петр Ефремов кэлэ сылдьан, хаһаайыстыба саҥа салайааччыта В.Сафоновы кытары эбийиэктэргэ сырытта, үлэни-хамнаһы билистэ, агрохолдинг генеральнай дириэктэрин солбуйааччы Алексей Гуляев Иккис Нөөрүктээйи, Абаҕа уонна Кээччи баһылыктарын кытары көрсөн, сайылык хаһаайыстыбаларын тэрийии туһунан кэпсэттэ.

Улуус үрдүнэн бас билии көрүҥүттэн тутулуга суох, барыта 6120 ынах сүөһү, ол иһигэр 2606 ыанар ынах, 7037 сылгы, 5000 таба кыстатыллан турар. “Өлүөхүмэ кыладабыайыттан” ураты хаһаайыстыбаларга отторо тиийэр. Сайын устата 19 тыһ. 80 т от бэлэмнэммитэ, ити иһигэр мобильнай биригэдэлэр саппаас пуондатыгар 200 туоннаны оттообуттара.

Өлүөхүмэттэн Виктор Малышев, «Саха сирэ» хаһыат, edersaas.ru.

Хаартыскаҕа ааптар түһэриитэ.

+1
0
+1
0
+1
0
+1
0
+1
0
+1
0
+1
0