Дьокуускай куоракка ыраах хоту улуустартан көрдөрүнэ кэлэн баран, 65-тэн үөһэ саастаах дьон дьиэлэригэр олоророллорун туһунан дьаһал тахсан, уустук балаһыанньаҕа түбэстилэр.
edersaas.ru
Өймөкөөн улууһун Төрүт нэһилиэгиттэн кэлэ сылдьар ытык кырдьаҕас туһунан кийиитэ Тамара Винокурова кэпсиир:
— Ирина Егорова сааһа 73-һэ. Харах балыыһатыгар хараҕар катарактатын эпэрээссийэҕэ киириэхтээҕэ тохтоото. Кырдьаҕас киһи «дьиэҕэ олорон ыарыым барыта көбөөрү гынна. Онон баҕарбытым да иһин таһырдьа тахсан хаамар кыаҕым суох. Эмтэнэ охсон дойдубар дьиэбэр барыахпын наһаа баҕарабын. Саастаах дьон уулуссаҕа тахсымаҥ, дьиэҕэ олоруҥ диэн Ил Дархан быһаарыы ылыммытын биһириибин. Наадалаах ыйаах, онон тутуһуохха наада дии саныыбын» диэн санаатын үллэстэр. Харантыын кэмигэр үйэтин сааһын тухары оҕо тэрилтэтигэр пуобарынан үлэлээбит буолан, Ирина Егоровна таптыыр дьарыга — ас астааһын. Сөбүлүүр ханаалыттан «Саха» НКИХ биэриилэриттэн арахпат. Ол быыһыгар «Тэтим» араадьыйаны сэргээн истэр.
Ирина Егоровна курдук ыраахтан кэлбит ыарыһахтарга туох эмэ тустаах өйөбүл оҥоһуллара буоллар. Өймөкөөнтөн кэлбит ытык кырдьаҕас куоракка дьиэ куортамнаан олорор. Онон биэнсийэтин сыыһа куортамҥа баран эрэр. Харантыын уһаан истэҕинэ, кырдьаҕас киһи барар-кэлэр да кыаҕа суох буолан, харчытыгар олус оҕустарыыһы.
Елена ПОТОЦКАЯ, «Саха сирэ» хаһыат, edersaas.ru