Кырдьаҕастары көрөр дьиэ кэргэн ахсаана элбиэҕэ
Олох-дьаһах - Саха ыала

Кырдьаҕастары көрөр дьиэ кэргэн ахсаана элбиэҕэ

Өрөспүүбүлүкэҕэ “Демография” национальнай бырайыак чэрчитинэн, кырдьаҕас дьону көрөр-харайар дьиэ кэргэттэр ахсааннарын  250-ҥэ диэри элбэтиэхтэрэ.

edersaas.ru

Кырдьаҕастар төрөөбүт дойдуларыттан тэйбэккэ, уопсай тэрилтэҕэ киирбэккэ, билэр ыалларыгар чугастыы хараллаллара быдан ордук. Үлэ, социальнай сайдыы министиэристибэтэ маннык ыаллар ахсааннарын 250-ҥэ тиэрдэр былааннаах. Тоҕо диэтэр, интэринээккэ биир киһиэхэ ыйдааҕы ороскуота 45-60 тыһ. солк. тэҥнэһэр. Онон интэринээттэри элбэппэккэ, кырдьаҕастары дьиэҕэ көрөр ыаллары элбэтэр соруктаахтар.


Билиҥҥи туругунан, 29 улууска 211 кырдьаҕас дьон дьиэ кэргэттэргэ көрүллэн олороллор. Кинилэртэн 160 киһи – улуустарга, 51 киһи – куораттарга олороллор. Бэйэтин көрүнэр-харанар, соҕотоҕун олорор кыаҕа суох кырдьаҕаһы, инбэлиити көрөргө дьиэ кэргэттэргэ ый аайы 20 701 солкуобай төлөнөр.

Ирдэбил быһыытынан, чугас аймахтара ылаллара көҥүллэммэт. Бэйэтэ туспа хостоох, үчүгэй олорор услуобуйалаах буолуохтаах. Үгүс кырдьаҕастар дьиэ иһигэр чэй өрөн, ас бэлэмнээн көмөлөһөллөр, оҕолорго эбээ-эһээ оруолун толороллор.

Ангелина Васильева, “Саха сирэ” хаһыат, edersaas.ru

Хаартыска: Үлэ, социальнай сайдыы министиэристибэтин саайтыттан.

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

шесть + одиннадцать =