Кыайыы үктэлинэн

Ааптар: 
Бөлөххө киир:

Соторутааҕыта күннээх Болгария Кранево бөһүөлэгэр нуучча дуобатыгар (64 харахтаах дуобат) ыччаттар ортолоругар аан дойду чөмпүйэнээтэ ыытыллыбыта.

Онно 16-гар диэри саастаах кыргыттарга “түргэн оонньууга” Альбина Большакова тэҥнээҕин булбата. Оттон Прокопий Говоров 10-гар диэри уонна Алена Большакова 13-гэр саастаахтарга классическай бырагыраамаҕа кыайыылааҕынан буоллулар.

Дьокуускай 5 №-дээх оскуолатын 9-с кылааһын үөрэнээччитэ Альбина Большакова “түргэн оонньууга” бу бастакы ситиһиитэ буолбатах – өрөспүүбүлүкэтээҕи, бүттүүн Арассыыйатааҕы күрэхтэһиилэргэ бириистээх миэстэлэри ылан турар. Ол курдук, 2015 сыллаахха дьахталлар ортолоругар “Таманский полуостров” Бүттүүн Арассыыйатааҕы күрэстэһии кыайыылааҕынан буолбута. Быйыл Арассыыйаҕа уонна Европаҕа бастыыр иһин күрэскэ бастаабыта. Онтон, дойду сүүмэрдэммит хамаандатыгар киирэн, аан дойду Кубогар кыттыбыта уонна кыайыы көтөллөөх эргиллибитэ. Казаньҥа ыытыллыбыт аан дойду Кубогын төрдүс түһүмэҕэр Альбина дьахталлар ортолоругар классическай бырагыраамаҕа бастакы, “түргэн оонньууга” үһүс миэстэлэри ылбыта.

Эдэр дуобатчыттарбытын улахан түһүлгэҕэ кыайыыларынан СӨ Ил Дархана Егор Борисов эҕэрдэлээтэ, үрдүк маастарыстыбаҕатын көрдөрөн, Саха сирин аан дойдуга аатыртыгыт диэн туран, саҥа кыайыылары баҕарда.

Роман Попов, «Саха сирэ» хаһыат

+1
0
+1
0
+1
0
+1
0
+1
0
+1
0
+1
0