Кыайыы 75 сылынан 11 тыһыынча төлөбүр оҥоһулунна

Бөлөххө киир:

Арассыыйа бэрэсидьиэнэ кириисиһи утары миэрэлэри ылынарыгар, социальнай эйгэни ураты болҕомтоҕо ылла.


Ол курдук, Кыайыы 75 сылыгар анаммыт бэтэрээннэргэ төлөбүрдэр эрдэлээн, муус ыйыгар бэриллиэхтэрэ. Саха сиригэр сэрии, тыыл бэтэрээннэригэр, сэрии кыттыылаахтарын огдооболоругар, сэрии кэмин оҕолоругар номнуо 11 тыһыынча төлөбүр оҥоһулунна. Ил Дархан Айсен Николаев Үлэ, социальнай сайдыы министиэристибэтигэр бу төлөбүрдэри эрдэ биэрэргэ сорудахтаабытынан, үлэ эрдэттэн саҕаламмыт. Онон сотору кэминэн барытын төлөөн бүтэриэхтэрэ.

Министиэристибэ иһитиннэрэринэн, бары социальнай төлөбүрдэри, босуобуйалары 6 ый устата уһатар ирдэммэт. Ол эбэтэр, уһатар туһуттан ханнык да тэрилтэҕэ барар наадата суох. Инникитин да дьиэттэн тахсыбакка эрэ, электроннай порталлар, ол иһигэр e-yakutia.ru нөҥүө сайаапкалаһары киллэриэхтэрэ.

Миниистир Елена Волкова саҥа төрөөбүт оҕолоох ыаллар докумуон оҥортороллоругар эмиэ бу порталы туһанарга ыҥырар. Кини кылгас кэм иһигэр бэрэсидьиэн, Ил Дархан көҕүлээһиннэрин олоххо киллэрэргэ сөптөөх базаны бэлэмнээтибит диэн этэр.

Ангелина Васильева, “Саха сирэ” хаһыат, edersaas.ru

Хаартыска: smartmoney.today

+1
0
+1
0
+1
0
+1
0
+1
0
+1
0
+1
0