Бу туһунан Ил Дархан Айсен Николаев бүгүҥҥү брифиҥҥэ эттэ.
—Дьаҥ тарҕаныаҕыттан, уопсай балаһыанньаны көрдөххө, коронавируска хаптарааччылар 70-80 % Дьокуускай куоракка олорор дьон. Онон билигин да сэрэнэр ордук. Хааччахтыыр миэрэлэри хайдах тохтотон иһэри, коронавирус дьаҥа хаттаан көбөн тахсыбатын курдук, көрөн быһаарыахпытын наада, — диэтэ.
Ил Дархан ылыллыбыт миэрэлэр толоруллууларын түмүгэр, балаһыанньа арыый тупсан эрэрин эттэ. Итиэннэ, бу нэдиэлэ бүтүүтэ, бэс ыйын 13 күнүгэр, кууһунан атыылыыр баазаларга санитарнай күн биллэриллэрин иһитиннэрдэ. Оттон ас-үөл маҕаһыыннара субуотаҕа, өрөбүлгэ үлэлииллэр.
+1
+1
+1
+1
+1
+1
+1