Куоракка атыыга-эргиэҥҥэ хааччахтааһын киириэн сөп...
Бэлиитикэ - Олох-дьаһах

Куоракка атыыга-эргиэҥҥэ хааччахтааһын киириэн сөп

Бүгүн, кулун тутар 26 күнүгэр, Ил Дархан Айсен Николаев Москваттан, Санкт Петербургтан дойдуларыгар харантыын кэмигэр кэлэр устудьуоннар дьиэлэриттэн тахсыбакка олороллорун тутуһарга болҕомто уурулларын эттэ.

«Дойду Аҕа баһылыга Владимир Путин Арассыыйа олохтоохторугар муус устар 5 күнүгэр диэри өрөбүл күннэрин биллэрбитэ. Ыарыы тарҕамматын туһугар үгүс дьон дьиэлэриттэн үөрэнэр-үлэлиир эрэсиимҥэ көспүттэрэ эрээри, атыы-эргиэн кииннэрин кэрийэр, уопсастыбаннай сиргэ сылдьар киһи элбэх, оҕолор тиэргэҥҥэ мустан оонньууллар.

Итинтэн сылтахтанан инникитин атыыга-эргиэҥҥэ, тырааныспар сырыытыгар хааччахтааһын киириэн сөп. Олохтоохтор ону сөпкө өйдүөхтэрэ диэн эрэнэбин. Хас биирдии подъезка полицейскайдары туруорар кыахпыт суох, онон бу уустук кэмҥэ эппиэтинэстээх буолуоҕуҥ», — диэн эттэ кини.

Хаартыска: yk24.ru

Марианна Тыртыкова, «Саха сирэ» хаһыат, edersaas.ru

 

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

пятнадцать − 14 =