Бүгүн, от ыйын 1 күнүгэр, РФ Төрүт Сокуонугар уларытыылары киллэриигэ куоластааһын күнэ үүннэ. Өрөспүүбүлүкэ үрдүнэн быыбардыыр учаастактар сарсыарда аҕыс чаастан арыллыбыттара.
Саха сирин Киин быыбардыыр хамыыһыйатын бэрэссэдээтэлин солбуйааччы Александр Власов куоластааһын хаамыытын туһунан брифиҥҥэ иһитиннэрдэ:
— РФ Төрүт Сокуонугар уларытыылары киллэриигэ куоластааһын саҕаланна. Ааспыт алта күҥҥэ олохтоохтор быыбардыыр учаастактарга кэлэн куоластарын биэрбиттэрэ. Бүгүн 10 чаас туругунан, өрөспүүбүлүкэ быыбардааччыларыттан 41 %-а куоластааһыҥҥа кытынна. Бу куһаҕана суох көрдөрүү диэхпин баҕарабын, көрдөрүү өссө улаатыа диэн эрэнэбин. Дьон бэйэтэ билэр — уларытыылары киллэрэр эбэтэр утаран куоластыыр. Бүлүтүөҥҥэ баар «да» уонна «нет» эрэ диэнтэн талабыт.
Өлөөн, Анаабыр, Үөһээ Бүлүү, Таатта, Уус Алдан улуустара көхтөөхтүк кытта сылдьаллар. Бу улуустар олохтоохторун 60-80 %-на куоластааһыҥҥа кытынна.
edersaas.ru
+1
+1
+1
+1
+1
+1
+1