«Куоластааһыны хас да күн тэниппиттэрэ үчүгэй»...
Олох-дьаһах

«Куоластааһыны хас да күн тэниппиттэрэ үчүгэй»

Бэс ыйын 25 күнүттэн Төрүт Сокуоҥҥа уларытыылары киллэрэр туһунан куоластааһын саҕаламмыта. Дьокуускайга төһө да өҥүрүк куйаас күннэр турдаллар, дьон син кэлэн, куоластаан, гражданскай иэһин толорор.

Петр Алексеев, Дьокуускай олохтооҕо:

— Куоластааһыны хас да күн устата тэниппиттэрэ үчүгэй эбит дии санаатым. Тоҕо диэтэр, элбэх дьон мустуута, алтыһыы, уочараттаһыы суох. Ону тэҥэ, баҕалаах дьон дьиэлэригэр куоластаатылар. Онон ыарыыга сыстыһыы суох буоллар диэн баҕа санаалаахпын.

Кэргэммин кытта кэлэн куоластаатыбыт. Саха сирэ үчүгэй көрдөрүүлээх буолуохтаах дии саныыбын. Бу биһиги олохпутугар улахан суолталаах куоластааһын, онон төһө да өҥүрүк куйаас турдар, дьон бары куоластыыр быраабын туһаммыта буолуо.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн.

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

два × 5 =