Коронавирустаабыт дьоҥҥо көмөнү хайдах оҥорорго Алданнааҕы мэдиссинэ кэллиэһигэр үөрэттилэр.
Ыам ыйын 26 күнүттэн от ыйын 1 күнүгэр диэри СӨ Үөрэх уонна наука министиэристибэтин бырайыагын чэрчитинэн, кэллиэс мэдиссиинэ орто персоналыгар 36-лыы чаастаах икки бырагырааманан үөрэтиини тэрийдэ диэн sakha.gov.ru суруйар. Үөрэтии куйаар ситиминэн ыытыллыбыт.
Манна доруобуйа харыстабылын эйгэтигэр, балыыһаларга, социальнай тэрилтэлэргэ, ол курдук, дьиэ кэргэн киинигэр, кырдьаҕастар уонна инбэлииттэр Алданнааҕы интэринээт-дьиэлэригэр, Томмоттооҕу ньиэрбэ ыарыһахтары көрөр интэринээккэ, кырдьаҕастар уонна инбэлииттэр өрөспүүбүлүкэтээҕи анал интэринээт-дьиэлэригэр үлэлиир исписэлиистэр үөрэммиттэр. Доруобуйаны чэбдигирдиигэ, COVID-19 дьаҥы эмтээһиҥҥэ билиилэрин-көрүүлэрин хаҥатыммыттар.
Лиэксийэҕэ матырыйааллары Алданнааҕы мэдиссиинэ кэллиэһин преподавателлэрэ Пелешатай В.В. уонна Данилов А.К., улахан үөрүйэхтээх быраастар бэлэмнээбиттэр.
Түмүккэ, кууруска үөрэммиттэр билии-көрүү тургутуутун ааспыттар, тест туттарбыттар. Барыта тыһыынчаттан тахса киһи үөрэммит. Итинтэн 511 — Алданнааҕы киин балыыһа үлэһиттэрэ. Кууруска үөрэммиттэргэ дастабырыанньалар туттарыллыбыттар.
+1
+1
+1
+1
+1
+1
+1