РФ кылаабынай санитарнай бырааһын дьаһалынан, Арассыыйа кыраныыссатын туораабыт омук гражданнарын барыларын булгуччулаах ирдэбил быһыытынан обсерваторга киллэрэн, доруобуйаларын туругун бэрэбиэркэлиэхтэрэ. Коронавирус баарын-суоҕун иккитэ чуолкайдыахтара, бастакы уонна онус күҥҥэ анаалыс ылыахтара.
Оттон омук сириттэн кэлбит Арассыыйа олохтоохторун эмиэ обсерваторга киллэриэхтэрэ, эбэтэр усулуобуйа баар түгэнигэр дьиэҕэ олоруохтара.
«Кулун тутар 1 күнүттэн ыла омук сириттэн кэлбит өрөспүүбүлүкэ олохтоохторун испииһэгэ баар. Кинилэр дьиэҕэ олоруохтаахтарын, эбэтэр обсерваторга киириэхтээхтэрин туһунан иһитиннэрдибит. Бу дьон кыраныыссаны туораабыттарын кэнниттэн бастакы уонна онус күннэригэр коронавируска анаалыс туттарыахтара. Кинилэри полиция үлэһиттэрэ, участковайдар хонтуруолга ылыахтара«, — диэтэ Роспотребнадзор управлениетын Саха сиринээҕи салаатын салайааччыта Маргарита Игнатьева.
«Саха сирэ» хаһыат, edersaas.ru
СИА хаартыската
+1
+1
+1
+1
+1
+1
+1