Маргарита Игнатьева: «Коронавируска уорбаланааччы ахсаана сэттэҕэ тиийдэ»

Бу чааска СӨ Роспотребнадзор кылаабынай бырааһа Маргарита Игнатьева суруналыыстары кытта брифиҥҥэ ЯТЭК салайааччыта  короновируһунан ыалдьыбыта бигэргэннэ диэн биллэрдэ.

edersaas.ru

Маргарита Игнатьева коронавируска уорбаланааччы киһи ахсаана сэттэҕэ тиийбитин туһунан иһитиннэрдэ:

— Маны таһынан, аҕыйах мүнүүтэ анараа өттүгэр биһиги коронавирус баара бигэргэммит киһи чугас эргимтэтигэр, өссө биир киһиэхэ буллубут. Онон Саха сиригэр чопчу биир киһи коронавируһунан сутуллубута бигэргэммитин тэҥэ, кинилиин сэттэ киһи анаалыһа Новосибирскайга чинчийиллэ сылдьар. Өрөбүл күннэр кэннилэриттэн коронавируска сутуллубут киһи ахсаана эбиллэрэ сабаҕаланар.

Елена ПОТОЦКАЯ, «Саха сирэ» хаһыат, edersaas.ru

Хаартыска — интэриниэттэн.