Ыам ыйын 27 күнүгэр Ил Дархан Айсен Николаев быһа эпииргэ тахсан уопсай балаһыанньаны билиһиннэрдэ. Ол курдук, бүгүн өрөспүүбүлүкэ үрдүнэн 84 киһи коронавирус дьаҥар хаптарбыт.
Айсен Николаев: «80 киһи Дьокуускайга, түөрт киһи оройуоннарга ыарыйда. Коронавирус дьаҥа тарҕаныаҕыттан өрөспүүбүлүкэҕэ 1529 киһи сутулунна, онтон 626 киһи үтүөрдэ. Билигин 14 киһи ыарахан туруктаах балыыһаҕа сытар. Биир киһи ИВЛ-аппараакка холбонон сытар. Бүтэһик сууккаҕа 39 киһи үтүөрдэ», — диэтэ.
Хааччахтаныыны тутуспат буолууттан өрөспүүбүлүкэ үрдүнэн балаһыанньа уустугурбутун, онтон саамай элбэх ыарыһах Дьокуускай куоракка баарын бэлиэтээтэ. Атыы-эргиэн дьиэлэрэ, маҕаһыыннар, киоскалар ирдэбили тутуспаттарын туһунан элбэх үҥсүү киирэр эбит. Суһал ыстаап уонна хонтуруоллуур уорганнар бу кэһиини тохтотуохтарын наада диэн Ил Дархан бэлиэтээн эттэ.
Ульяна Захарова, edersaas.ru
+1
+1
+1
+1
+1
+1
+1