Мэҥэ Хаҥаласка икки киһи коронавируска уорбаланар

Бөлөххө киир:

Мэҥэ Хаҥалас улууһугар өссө икки киһи коронавируска уорбаланар. Улууска номнуо биир киһи бу дьаҥҥа хаптарбыта.

Моорук нэһилиэгин олохтооҕо, аҕам саастаах дьахтар бу күннэргэ коронавируска уорбаланан улуустааҕы балыыһаҕа киирбитэ. Бэҕэһээ, муус устар 29 күнүгэр, анаалыһа кэлбитэ. Билиҥҥи туругунан дьахтар доруобуйата үчүгэйэ суох. Коронавирус дьаҥар кинини соторутааҕыта аармыйаттан кэлбит төрөппүт уола сыһыарбыт диэн сабаҕалыыллар. Уол анаалыһын түмүгэ сотору биллиэхтээх. Билигин кинини кытта уол кэргэнэ эмиэ бу дьаҥҥа уорбаланан балыыһаҕа сытар. Эдэр дьахтарга дьаҥ тумуунан киирбит. Бүгүҥҥү күҥҥэ уолу кытта хантаактаспыт бастакы эргиир 17 киһитэ көһүннэ.

Маны сэргэ улууска атын эрэгийиэнтэн кэлбит 15 киһи быраастар кэтэбиллэригэр сылдьар. Бөһүөлэккэ 100 миэстэтэлээх иккис обсерваторы аһары былаанныыллар.

Бэлиэтээн cуруйдахха, Аллараа Бэстээххэ Ил Дархан дьаһалынан муус устар 11-28 күннэргэ хааччахтанан олоруу эрэсиимэ биллэриллибитэ.

Ульяна Захарова, edersaas.ru

+1
0
+1
0
+1
0
+1
0
+1
0
+1
0
+1
0