Бырабыыталыстыба бэрэссэдээтэлин солбуйааччы Ольга Балабкина инфекционнай балыыһаҕа сытар, коронавируһунан ыалдьыбыт 7 киһи туруктарын туһунан кэпсээтэ.
edersaas.ru
— Инфекционнай балыыһаҕа анал медицинскэй тэрил барыта баар, үрдүк квалификациялаах быраастар үлэлииллэр. Ыарыһахтар туруктара үчүгэй, чэпчэкитик аһарынан эрэллэр. Ыарахан туруктаах киһи суох.
Бүгүҥҥү күҥҥэ кинилэрдиин алтыспыт дьону быһааран, Роспотребнадзор үлэһиттэрэ уонна медиктэр анаалыс ылан, сорохторун обсерваторга, сорохторун дьиэлэригэр »изоляцияҕа» ыыталаан, үлэ бара турар, — диэн кини эттэ.
Санатар буоллахха, коронавирус сааһырбыт, сүрэх, тыҥа ыарыылаах, сахарнай диабеттаах, иммунитеттара мөлтөөбүт дьоҥҥо кутталлаах. Үгүстэргэ көннөрү грипп курдук киирэр, онон арыый чэпчэкитик аһардаллар.
Ангелина Васильева, »Саха сирэ» хаһыат, edersaas.ru
+1
+1
+1
+1
+1
+1
+1