Коронавируһу эмтиир бастакы эмп бигэргэннэ

Бөлөххө киир:

Арассыыйаҕа оҥоһуллубут, коронавируһу эмтиир бастакы эми РФ доруобуйа харыстабылын министиэристибэтэ бигэргэттэ. Эмп аата “Авифавир” диэн, аан дойдутааҕы эмп-томп испииһэгэр химическэй аата — “Фавипиравир”.

Бу эми Арассыыйатааҕы инвестиция пуондата уонна “ХимРар” хампаанньа кыттыһан оҥорбуттар. Бу эми Японияҕа 2014 сылтан кириип ыарыы ыарахан көрүҥнэригэр туһаналлар эбит.

Коронавируһунан ыалдьыбыт дьоҥҥо клиническэй чинчийии, тургутук түмүгэр, 10 күн иһигэр организмҥа атын куһаҕан дьайыыта суоҕа биллибит. Онтон 330 киһиэхэ боруобалаан көрбүттэр. Коронавирус инфекциятынан ыалдьыбыттары 80%ҥа диэри үтүөрдэр эбит, бу вируһу эмтииргэ үрдүк көрдөрүү. ТАСС суруйарынан, бу эмп вирус организмҥа тарҕанарын тохтотор эбит. 

Бары эрэгийиэннэр балыыһаларыгар бу эмп бэс ыйын 11 күнүттэн үлэҕинэн тарҕанара былааннанар, аптекаҕа атыыланыа суоҕа. 

Бу иннинэ кытайдар коронавируһу эмтииргэ Арассыыйаҕа оҥоһуллубут “Арбидолу” туһана сылдьыбыттара биллэр.

Ангелина Васильева, “Саха сирэ” хаһыат, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0