ЯТЭК генеральнай дириэктэрэ Андрей Коробов реанимацияҕа сытар үһү диэн сурах бүгүн социальнай ситимнэри тилийэ көттө.
Ол эрээри, Телеграмҥа суһал штаб: “Коробов реанимацияҕа киирбит диэн тарҕатыылара — сымыйа сурах”, — диэн иһитиннэрэр. “Күн бүгүн, коронавируһунан ыалдьыбыт 14 киһи туруктара кэминэн, температуралара суох. Москватааҕы фтизиопульмонология институтун кытта теле-мэдиссиинэнэн консультацияласпыттара, салгыы хайдах эмтиир туһунан сүбэ ылбыттара. Ыарыһахтар туруктарын өрүү кэтээн көрөллөр. Эминэн-томунан хааччыллыы баар, эпидемияны утары ирдэнэр тэрээһиннэр бары тутуһуллалар, ыытыллалар”, — диэн суруллар.
+1
+1
+1
+1
+1
+1
+1