Кирилл Бычков: Саха сирин бырабыыталыстыбата урбаанньыттары көмүскүөҕэ

Ааптар: 
Бөлөххө киир:

Саха сирин Ил Дархана Айсен Николаев муус устар 2 күнүгэр саҥа коронавирус инфекцията тарҕаныытынан сибээстээн, эрэгийиэн экэниэмикэтин тирэхтээх сайдыытын хааччыйар бастакы уочараттаах тэрээһиннэр былааннарыгар илии баттаабыта.

edersaas.ru

Саха сирин бырабыыталыстыбатын бэрэссэдээтэлин солбуйааччы Кирилл Бычков дьоҕус уонна орто урбааны өйөөһүнү кытта сибээстээх докумуон сорох балаһыанньаларын ырытта.
“Биһиги көмөнү бары өттүттэн көрө сатаатыбыт. Ол иһин, холобур, кэмиэрчэскэй хамсаабат баайдарын-дуолларын арендаҕа биэрээччилэр 6 ыйга диэри баай-дуол нолуогун төлөбүрүттэн босхолонуохтара, өскөтүн кинилэр дьоҕус уонна орто урбаан субъектарыгар арыанда (куортам) төлөбүрүн 50 уонна онтон ордук аччаттахтарына”, — диэтэ Кирилл Бычков.
Саҥа коронавирус инфекцията тарҕанар куттала суоһаабытынан сүтүктэри көрсөр кыахтаммыт, ордук эмсэҕэлээбит салааларга түһээн төлөбүрүгэр 6 ый уһатан биэриэхтэрэ, итиннэ НДС уонна страховой усунуостары киллэрэн туран.
“Ону тэҥэ чугастааҕы кэмҥэ сүтүктэнэр зонаҕа түбэспит урбаанньыттары көмүскүүр туһуттан Арассыыйа Бырабыыталыстыбатыгар кэккэ этиилэри ыытыахпыт. Сыл аҥаардааҕы “кирэдьиит каникулларын” биэрии туһунан, бу каникул кэмигэр солуок биэрбит баайдарын тутан ылыыга бобууну киллэрии туһунан этиллэр”, — диэн эбэн эттэ Кирилл Бычков.
Туризм, гостиница өҥөтүн, уопсастыбаннай аһылык, доруобуйа харыстабылын, үөрэхтээһин, култуура, сынньалаҥ индустриятын, спорт, бытовой өҥө тэрилтэлэригэр УСН-нан дохуокка ставка 1 %-тан 5 % диэри – ороскуоттары таһааран туран дохуокка дохуот ставката аччатылынна.
Маны сэргэ эргиэн уонна уопсастыбаннай аһылык тэрилтэлэригэр аренда төлөбүрүн кээмэйэ судаарыстыбаннай уонна муниципальнай баайга-дуолга хомунаалынай төлөбүргэ, түһээҥҥэ уонна атын төлөбүр эбэһээтилистибэлэригэр дьиҥнээх көрсүбүт ороскуоттарын кээмэйигэр диэри аччаата.
Маны сэргэ үрдүк бэлэмнээх буолуу эрэсиимэ олохтоммут кэмигэр дьоҕус уонна орто биисинэс судаарыстыбаннай уонна муниципальнай баай-дуол иһин куортам төлөбүрүгэр уһатыыны ылыаҕа. Сүрүн иэскэ уонна Урбааны сайыннарыыга пуонда микро-иэстэригэр бырыһыаннарга дьоҕус уонна орто урбаан бары субъектарыгар мораторий биллэриллэр.

Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата

Бэлэмнээтэ Женни СТРЮКОВА, «Саха сирэ» хаһыат

Хаартыска: сайтан

+1
0
+1
0
+1
0
+1
0
+1
0
+1
0
+1
0