Кирилл Алексеев бүгүн төрөөбүт күнэ этэ

Ааптар: 
Бөлөххө киир:

Күн-дьыл элэҥнээн ааһара түргэнин. Соторутааҕыта эрэ курдуга, биһиги «Сахамедиа» холдиммыт генеральнай дириэктэрэ Кирилл Викторович бэркэ тиэтэйэн-саарайан үлэтигэр бу киирэн кэлэрэ. Куруук тугу эрэ толкуйдуу, ыксыы сылдьар курдуга…Билигин санаан көрдөххө, аҕыйах сыл иһигэр бэрт элбэҕи да оҥорбут, уларыппыт, сонун сүүрээни дохсуннук киллэрбит эбит.

Кирилл Викторович баара буоллар, бүгүн 49 сааһын туолуохтаах этэ. Хомойуох иһин, быйыл саас сүрдээх соһуччу, эмискэччи уонна олус хомолтолоохтук күн сириттэн букатыннаахтык барбыта. Бүгүн кини сырдык кэриэһигэр аналлаах хаартысканан быыстапка буолла.  

—Бу Кирилл Алексеев кыһамньытынан, сыратынан Уһук Илин эргин суох ураты медиа-киин тэриллибитэ. Бүгүн манна Кирилл Викторовиһы өйдөөн-санаан ааһаарыбыт хаартысканан быыстапканы тэрийдибит. Кирилл Викторович үлэҕэ улахан үөрүйэҕэ атыттарга холобур буоларыгар, тарҕанарыгар, тэнийэригэр, кини үлэтэ, дьыалата салҕанарыгар эрэнэбин, — диэтэ «Сахамедиа» холдинг» генеральнай дириэктэрэ Роман Мандзяк

Быыстапкаҕа Кирилл Викторович үлэтин үгэнигэр сылдьар кэмнэрэ, олоҕун чаҕылхай түгэннэрэ,  кэлэктиибин кытары араас тэрээһиннэргэ бииргэ сылдьара, о.д.а. хаартыскалар киллэриллибиттэр.

Хаартыскаҕа Андрей Сорокин (СИА) түһэриитэ. 

+1
0
+1
0
+1
0
+1
0
+1
0
+1
0
+1
0