Сунтаардааҕы «Кириэстээх» кэпэрэтиип таһаарыылаах үлэтинэн улууска эрэ буолбакка, өрөспүүбүлүкэҕэ биллэр.
edersaas.ru
Кэпэрэтиип оҥорон таһаарар үрүҥ аһын улууска уонна чугастааҕы Мииринэй оройуонугар батарар. Бу күннэргэ, Улуу Кыайыы 75 сылын көрсө, кэпэрэтиип аатыттан Кутана нэһилиэгин ытык кырдьаҕаһыгар, тыыл бэтэрээнэ Андрей Кириллович Акимовка үрүҥ ас уонна эт бородууксуйатын аҕалан үөртүлэр. «Убаастабыллаах Андрей Кириллович! Эһиги сэрии сылларыгар бэйэҕитин харыстаммакка үлэлээбиккитин, сэрии кэнниттэн дойдуну чөлүгэр түһэриигэ хорсун үлэҕитин иһин уонна нэһилиэккит социальнай-экономическай сайдыытыгар киллэрбит кылааккытын үрдүктүк сыаналыыбыт уонна киэн туттабыт», — диэн тыллардаах Эҕэрдэ суругу туттардылар.
Ытык кырдьаҕас Кутанаттан төрүттээх «Кириэстээх» кэпэрэтиип салайааччытыгар Владимир Семенович Егоровка уонна олохтоох дьаһалта исписэлииһэ Айыына Тимофееваҕа махталын тириэрдэр.
Андрей Кириллович бииргэ төрөөбүт эдьиийэ Варвара Кирилловна Акимова ас-үөл наборун тутан үөрүүтэ муҥура суох.
+1
+1
+1
+1
+1
+1
+1