«Кириэстээх» кэпэрэтиип ыһыыны саҕалаата

Ааптар: 
Бөлөххө киир:

Сунтаар улууһун саамай бөдөҥ хаһаайыстыбата «Кириэстээх» кэпэрэтипи буолар.

edersaas.ru

Кылаабынай агроном Сардаана Иванова этэринэн, быйыл кэпэрэтиип өр сыллаах оту 259 гектарга, эбиэһи 220, ньэчимиэни 150, сүөһү сиир култууратын 950 гектарга ыһар былааннаах. Ону таһынан эһиилги ыһыыга анаан, 500 гектар сири паардыахтаах. Ыһыыга сөп буолар сиэмэ да, уоҕурдуу да баар.

Мэхэньисээтэрдэр тиэхиньикэлэрин көрүнэн-истинэн бүттүлэр, билигин ыһыы үлэтигэр туруннулар. Кэпэрэтиип салайааччыта Владимир Егоров: «Сааскы ыһыыны болдьоҕор итиэннэ үрдүк хаачыстыбалаахтык ыытартан кэлэр кыстык улахан тутулуктаах», – диэн мэлдьи этэр итиэннэ ыһыыны күн-дьыл турарын баттаһан, кылгас болдьоххо ыытар сыалы туруорар.

Кэпэрэтиип Куокунутааҕы отделениетыгар, аатырбыт Улахан Табаҕа бааһынатыгар ыам ыйын 15 күнүгэр ыһыы үлэтэ саҕаланна! Онон, өрөспүүбүлүкэ биир бөдөҥ «Кириэстээх» кэпэрэтиибигэр кыстыгы түмүктүүр, самаан сайыны көрсөр түбүктээх күннэр тураллар. Кэлэр сайын уйгунан-бы­йаҥынан эрэ күндүлээтин диибит.

Борис Николаев, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0