Дойдуга, чуолаан, өрөспүүбүлүкэбитигэр ыарахан дьаҥы утары үлэ олох күүскэ ыытылла турар. Үгүс табаар маҕаһыыннара сабыллан, бастакы уочарат наадалаах табаардаахтар эрэ үлэлии тураллар. Ол эрээри дииргэ тиийиллэр.
edersaas.ru
Сорох бөдөҥ хампаанньалар улахан ыарыы кэмигэр атыылаһааччыларын соччо өйөөбөттөр диэн көрдүм. Холобура, аатырар ЯМАХА киин хоту дойду олохтоохторугар олус наадалаах тиэхиньикэни, саппаас чаас арааһын атыылыыр. Дьиэтэ-уота килэйэн-халайан, киһи мусуой курдук кэрийэн көрүөн сөптөөх сирэ. Көрдөххө, үлэһиттэрэ да хара баһаам, бары кыанар-хотор саастарыгар сылдьар дьон. Баҕар, сорох эргиэн тэрилтэлэрин курдук, табаардарын тиэрдэн биэрэр өҥөлөөх буолаайаллар диэн төлөпүөнүнэн ыйытааччы буоллум. Хомойуох иһин, оннук өҥө суох эбит. Абыраатахтарына, 500 солкуобайы төлөөтөххүнэ, аҕалан биэриэхтэрин сөп курдук этэн таһаарда.
Хайыамый, кыһалҕаттан бардаҕым дии. Кырдьык, оннук эбит. Бэри диэн бэркиһээтим, сөрү диэн сөхтүм. Атыыны-эргиэни сатаан тэрийдэххэ, табаар хамаҕатык барарын уонна коронавирустан дьону харыстыы сатыахтаахтарын умнуо суоҕа эбиттэр.
Женни СТРЮКОВА, “Саха сирэ” хаһыат.
Хаартыска: ааптар түһэриитэ.