Киһи өлүүлээх икки суол быһылаана таҕыста

Ааптар: 
Бөлөххө киир:

Бэс ыйын 4 уонна 5 күннэригэр, Таатта уонна Нам улуустарыгар киһи өлүүлээх суол быһылааннара таҕыстылар. Икки түбэлтэҕэ иккиэннэригэр суоппардар массыына ыытар бырааптара суоҕа биллибит.

edersaas.ru

СӨ ИДьМ-тын ГИБДД пропагандаҕа отдела иһитиннэрбитинэн, Таатта улууһугар Харбалаах суолун 43-с километрыгар киэһэ 18.00 чаас саҕана 37 саастаах суоппар «УАЗ-31519» массыынатын ыытан иһэн, уруулун кыайан салайбакка, суолтан аллара туораан, ууга түспүт.

Ол түмүгэр, массыынатыттан кыайан тахсыбакка, ууга чачайан, быһылаан миэстэтигэр тыына быстыбыт.

Оттон олорсон испит икки киһи эмсэҕэлээбэтэх. Кинилэр быһаарбыттарынан, ол күн эбиэттэн саҕалаан, үһүөн буокка испиттэр.

Бэс ыйын 5 күнүгэр Нам улууһугар Ымыйахтаах сэлиэнньэтин таһыгар 45 саастаах киһи «Тойота Хайс» массыынатын ыытан иһэн,сатаан салайбакка, суолтан туора баран, чааһынай учаастак олбуоругар тиийэн түспүт. Суоппар тута миэстэтигэр өлбүт.

Барыллаан быһаарыынан, өлүөхсүт билэр киһитин массыынатын күрэппит, ити күн үүнэр түүнүгэр арыгы испит.

Икки түбэлтэҕэ иккиэннэригэр суоппардар массыына ыытар бырааптара суоҕа биллибит.

Матырыйааллар силиэстийэ уорганнарыгар ыытыллыбыттар.

Биһиги корр., «Саха сирэ» хаһыат, edersaas.ru

Хаартыскалар: СӨ ИДьМ-тын ГИБДД пропагандаҕа отдела.

+1
0
+1
0
+1
0
+1
0
+1
0
+1
0
+1
0