Үөһээ Бүлүү улууһун Кэнтигэр саҥа бэкээринэ үлэлээн, олохтоохтор үөрүүлэрэ үгүс. Бэкээринэтэ суох олорбуттара хаһыс да сылыгар барбыт эбит.
Саҥа оһоҕу булан-талан аҕалан үлэлэппит оскуола дириэктэрэ Ольга Астанова маннык кэпсиир:
— Биһиги оскуолабыт 2016 сыллаахха СӨ Тыатын хаһаайыстыбатын министиэристибэтин агро-оскуолаларга аналлаах гранын ылары ситиспитэ. Кэнтиккэ бэкээринэ суох буолан, нэһилиэнньэ эрэйдэнэрин өйдөөн, Москва куораттан 300-тэн тахса тыһ. солк килиэби астыыр оһоҕу былырыын атыылаһан аҕалтарбыппыт. Ону оскуола остолобуойугар таҥан туруоран, бүгүн оһоххо бастакы 72 устуука килиэби астаабыппыт олус диэн табыллан, үөрэн аҕай олоробут. Аны туран, бастакы бородууксуйабытын Кэнтик ытык кырдьаҕастарыгар массыынанан анаан-минээн кэрийэ сылдьан түҥэттибит. Барахсаттар, соһуйуу бөҕөтүн соһуйдулар, үөрүү бөҕөтүн үөрдүлэр. Бэкээринэ икки үлэһиттээх. 5-с разрядтаах асчыт Лидия Егорова уонна саҥа холонон эрэр Вера Пак.
Александр ТАРАСОВ, «Саха сирэ» хаhыат, edersaas.ru