Кэлэр ыйга дьокутааттар сийиэстэрэ ыытыллар

Ааптар: 
Бөлөххө киир:

2017 сыл кулун тутар 29-30 күннэригэр Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын I сийиэһэ ыытыллыбыта.

edersaas.ru

Онно бэрэстэбиитэллээх уорган үлэтин-хамнаһын уратыларын, боломуочуйаларын, статуһун туһунан киэҥ кэпсэтии тахсыбыта, тустаах резолюция ылыллыбыта, сийиэһи үс сылга биирдэ ыытарга этиллибитэ. Инньэ гынан, II сийиэс быйыл саас, эмиэ кулун тутарга буолуохтаах. Ил Түмэн бэрэссэдээтэлин таһымыгар муниципальнай тэриллиилэр бэрэстэбиитэллээх былаастарын сэбиэтэ тэриллибитэ. Бу сэбиэккэ нэһилиэктэр, улуустар дьокутааттарын кытары сылга иккитэ түмсэн бастакы сийиэс быһаарыылара төһө туолан иһэллэрэ ырытыллар. Буолаары турар сийиэскэ ордук тыын суолталаах диэн, болҕомтону национальнай бырайыактарынан үлэни-хамнаһы тэрийиигэ уурарга быһаарылынна.

Раиса Сибирякова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0