Куокуйдааҕы үүтү тутан астыыр сыахха икки эдэр үлэһит: Чурапчытааҕы тыа хаһаайыстыбатын техникумун бүтэрбит технолог Екатерина Соловьева уонна устудьуон Альбина Спиридонова үлэлииллэр.
edersaas.ru
Кыргыттар ыам ыйын 20 күнүттэн үүт тутуутун саҕалаатылар. Билигин үүтү Василий Ноговицын, Мотрена Кондакова, Василий Петров, Иван Полятинскай бааһынай хаһайыстыбаларын таһынан, биирдиилээн кэтэх ыаллар туттараллар. Мэччирэҥ үчүгэйдик таҕыстаҕына, үүт да элбиэ турдаҕа, тыа дьоно бэйэ үүтүнэн оҥоһуллубут сибиэһэй, хаачыстыбалаах бородууксуйаны ордороллор уонна сөбүлүүллэр.
Сыахха билигин суорат, сүөгэй астанар, ол барыта атыыга хамаҕытык барар. Онон тыа сиригэр олорор дьон быһыытынан бу маннык куруутун дьаһанан, бэйэ аһынан хааччынарбыт үчүгэй, хороҕор муостаахпытын тутан олорон ыччаппытын, оҕолорбутун бу маннык аһата олоруоҕуҥ. Үүтү тутар үрүҥ илгэбит үлэһиттэрин үлэлэрэ-хамнастара тупса турарыгар баҕарабыт.
Кэбээйи Куокуйуттан Варвара Спиридонова, edersaas.ru