Саха сиригэр олимпийскай чөмпүйүөн Александр Карелин кэлиэҕэ

Сарсын, ахсынньы 25 күнүгэр, үс төгүллээх олимпийскай чөмпүйүөн, ГосДуума дьокутаата, Арассыыйа Дьоруойа Александр Александрович Карелин Дьокуускайга кэлиэҕэ. 

Кини манна Р.М. Дмитриев аатынан Олимпийскай эрэл училищетыгар гректии-римнии тустууга саала үөрүүлээх арыллыытыгар кыттыаҕа.

Александр Карелин Саха сиригэр сырыытын бырагырааматыгар Ил Түмэн бэрэссэдээтэлин Петр Гоголевтыын көрсүһүү, Е.Ярославскай аатынан мусуойу көрүү, гректии-римнии тустуу сайдыытын кэпсэтэр «төгүрүк остуолга» кыттыы, маастар-кылааһы ыытыы баар.

Маастар-кылаас сарсын киэһэ 17.00 чаастан «Өрөгөй» спорт киинигэр буолуоҕа. Манна Карелины кытта Европа уонна аан дойду икки төгүллээх чемпиона Александр Игнатенко уонна аан дойду чемпиона Рустам Аджи кыттыахтара.

edersaas.ru