Кадаастырын нүөмэрэ суох сир учаастагар хапытаалынай тутуу докумуоннаммат

Бөлөххө киир:

Хамсаабат баай-дуол эбийиэгэ кадаастыр учуотугар туруоруллубутун итиэннэ киниэхэ бас билии бырааба регистрацияламытын туһунан кадаастр нүөмэрэ туоһулуур.

edersaas.ru

Биһиги дойдубутугар ханнык баҕарар хамсаабат баай-дуол эбийиэгэ ханна баарын туһунан учуоттуур кадаастыр нүөмэрдээх буолара ирдэнэр. Кадаастыр нүөмэрин сыыппарата эбийиэк ханнык уокурукка, оройуоҥҥа, кыбаарталга турарын ыйар итиэннэ ити территорияҕа эбийиэк тус нүөмэрин көрдөрөр.

Хамсаабат баай-дуол куода биир кэлим стандартка киллэриллэн, бары тутуулар уонна сир учаастактара учуоттаналлар. Тоҕо диэтэххэ, кадаастыр нүөмэрэ ураты итиэннэ хамсаабат баай-дуол биир чопчу эбийиэгэр бэриллэр. Онон, кадаастырын нүөмэрэ суох сир учаастагар тутуллубут хапытаалынай тутууну регистрацияламмат уонна бас билии докумуона оҥоһуллубат. Бу туһунан Баайга-дуолга уона сиргэ сыһыаннаһыы министиэристибэтин пресс-сулууспата иһитиннэрэр.

Раиса Сибирякова, «Саха сирэ» хаһыат, edersaas.ru