Күнүүһүт дьахтар түннүгү алдьаппыт

Ааптар: 
Бөлөххө киир:

Күнүү киһини туохха-туохха тиэрдибэтэҕэ баарай! Эр киһиттэн-дьахтарыттан тутулуга суох. Күнүүттэн сылтаан, киһи кыра да, улахан да буруйдары оҥорууга кытары тиийэр.

edersaas.ru

Аллайыаха улууһун полициятыгар Чокурдаах сэлиэнньэтигэр олорор дьахтар эрийэн, түүн кини кыбартыыратын түннүгүн кимнээх эрэ алдьаппыттарын туһунан эппит. Итинэн дьахтар 100.000 солк. сууммалаах хоромньуламмыт.

Полиция участковай боломуочунайа бу буруйу оҥорууга 43 саастаах дьахтар сыһыаннааҕын быһаарбыт. Эмсэҕэлээччи билэр дьахтара эбит.

Барыллаан быһаарыынан, быһылаан төрүөтүнэн күнүүлээһин буолбут. Уорбаланааччы участковайга быһаарбытынан, кини урукку таптыыр киһитэ ити кыбартыыраҕа олорор дьахтардыын чугас сыһыаннаммыттар.

Онно күнүүлээн, түүн соперницатын дьиэтигэр тиийэн, түннүгүн алдьатаат, куотан хаалбыт.

Бу чахчынан РФ Холуобунай кодексатын 167-с ыст. 1 чааһынан, ол эбэтэр, атын киһи баайын-малын соруйан алдьатыы биитэр суох оҥоруу бэлиэтэ баарынан, холуобунай дьыала тэриллибит.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыскалар: СӨ ИДьМ-тын пресс-сулууспата. 

+1
0
+1
0
+1
0
+1
0
+1
0
+1
0
+1
0