Халааһын, талааһын, сүрүннээн, уулуссаҕа уонна уопсастыбаннай сирдэргэ тахсалларынан, сыаналаах малларгытын, харчыгытын аһаҕастык көрдөрбөт, билбэт дьоҥҥутугар итэҕэйэн малгытын туттарбат буолуҥ диэн полиция сэрэтэр.
Нерюнгри куоракка биир дьахтар оннук эрэнэн, халабырдьыт сиэртибэтинэн буолбут.
Полицейскайдарга быһаарбытынан, кини дьүөгэтигэр көһөн тиийбит. Маныаха дьиэ подъеһыгар чугаһаан баран, биир киһи турарын көрөн, суумкаларын кыбартыыраҕа диэри илдьэн биэрэригэр көрдөспүт, көмөтүн иһин төлүөх буолбут.
Кыбартыыра ааныгар тиийэн баран, дьахтар тылын толорон, көмөлөспүтүгэр махтанан төлөөбүт, онуоха баара киһитэ харчытын мыынан турбут. Уонна күүһү туттан, дьахтартан суотабай төлөпүөнүн, маллардаах суумкатын былдьаан ылаат, атахха биллэрбит. Уопсайа 48.600 солк. суумалаах хоромньу тахсыбыт.
Полицейскайдар уорбаланааччыны чаас иһинэн туппуттар — урут сууттана сылдьыбыт 35 саастаах киһини.
Бу чахчынан «Халааһын» ыстатыйанан холуобунай дьыала тэриллибит. Бу ыстатыйанан накаастабыл миэрэ — 7 сылга диэри болдьоххо көҥүлү быһыы.
Бу туһунан СӨ ИДьМ-тын пресс-сулууспата иһитиннэрдэ.