Горнай улууһугар олорор 27 саастаах Ольга Сидорова ыарахан ыарыыттан суһаллык эмтэниэн наада.
Ольга бэйэтэ суруйарынан, 2015 с. иһэ улаатан барбытын уонна күүскэ ыалдьарын билбит. Учаастактааҕы балыыһатыгар көрдөрбүтүгэр Дьокуускайга Медицина национальнай киинигэр, Өрөспүүбүлүкэтээҕи 2 нүөмэрдээх балыыһаҕа ыыппыттар.
“… Манна миигин көрөн бараннар, искэни эмтиир диспансерга ыыппыттара. Диспансерга суһаллык эпэрээссийэлээбиттэрэ”, – диэн эмчиттэр быһаарбыт үгүс элбэх диагнозтарын суруйар. Эпэрээссийэ кэнниттэн тустаах эмчиттэр кэтэбиллэригэр сылдьыбыт. Онтон 2017 с. тохсунньутугар ыарыыта эмиэ биллэн барбыт.
“... Миигин Москваҕа Н.Н.Блохин аатынан онкологическай научнай кииҥҥэ ыыппыттара. Төрөппүттэрим, аймахтарым, биир кылааска үөрэммит оҕолорум, доҕотторум уонна биир идэлээхтэрим көмөлөрүнэн Москваҕа эмтэнэ барар кыахтаммытым. Научнай кииҥҥэ химиотерапия кууруһун анаабыттара. Онтон химиябын Саха сиригэр салҕаабытым. Бу барыта ынырык түүл курдук этэ: илиим барыта иҥнэ суола, тиһигин быспакка капельницаҕа сытыы, укуоллар, табылыакка эмтэр… Олох бэргээн барбытым, аһаабат да буолбутум, этим-сииним барыта ыалдьара, кыраадыһым тахсыбыта, этим барыта көҕөрөн барбыта, баттаҕым түспүтэ. Химиотерапия куурустарын кэнниттэн Хабаровскай куоракка “ПЭТ/КТ всего тела» кииҥҥэ барбытым. Кинилэр түмүктэрэ ыарыым өрө туруутун, метастазалаах яичник искэнин бигэргэппиттэрэ. Билигин Соҕуруу Кореяҕа «Сунчонхян» клиникаҕа эрэ эмтэнэн үтүөрэр эрэл баар. Онно сиһилии чинчийэн баран салгыы хайдах эмтэнэрбин (химиотерапия эбэтэр эпэрээссийэ) быһаарыахтаахтар. Баҕар, химиотерапияны уонна эпэрээссийэни иккиэннэрин аныахтарын сөп.
Билбэт дьоммуттан көмө көрдүүргэ күһэллиэм диэн санаабар да оҕустарбат этим. Ол гынан баран, эрэлим эһиэхэ уонна эһиги үтүө санааҕытыгар эрэ. Биһиги ханнык баҕарар көмөҕө үөрүөхпүт уонна махтаныахпыт.
Барыллаан ааҕалларынан, билигин суһаллык 20 000$ (1,140,000 солк.) хомуйуохпутун наада. Кореялар быһааралларыттан, бу суума икки төгүл элбээн тахсыан сөп. Бырааска тохсунньу 29 күнүгэр көрдөрүөхтээхпин”, – диэн Ольга түргэнник үтүөрэн, элбэх бириэмэтин оҕотун кытары атаарыан, үлэтигэр, үөрэнээччилэригэр эргиллиэн уонна бу уодаһыннаах ыарыы туһунан умнуон баҕарарын туһунан киһи эрэ уйадыйыах суруйар.
Күн киһитэ көмүскэс, айыы киһитэ аһыныгас.
Реквизиттэрэ:
Карта «Сбербанк» 6390 0276 9008 5451 40 (мобильнай баана +79618671260 нүөмэргэ сыһыарыллыбыт. Ольга Николаевна С.)
Карта «Алмазэргиэнбанк» 4098 8801 1042 4686
Карта «Россельхозбанк» 4226 0806 0461 1519 .
Надежда ЕГОРОВА, “Саха сирэ” хаһыат, edersaas.ru