Көмө быһыытынан 30 тыһыынча мааска кэллэ

Ааптар: 
Бөлөххө киир:

Хабаровскайга КНР Генеральнай консульствота Саха сиригэр  30 тыһыынча маасканы ыытта. Бу туһунан СӨ Тас сибээскэ уонна норуоттар дьыалаларыгар министиэристибэ иһитиннэрэр.

edersaas.ru

-Биир санаалаах буолуу уонна бииргэ үлэлээһин — бу коронавирус дьаҥын утары охсуһарга биир саамай бастыҥ ньыма. Аан дойдуну аймаабыт дьаҥтан Кытай уонна Арассыыйа өссө күүскэ сомоҕолостулар, бэйэ-бэйэлэригэр хардарыта улахан болҕомтолорун ууран көмөлөсүһэллэр. Үрдүк таһымнаах доҕордуу сыһыаннарын, хардарыта сибээстээх бииргэ үлэлээһиннэрин көрдөрөллөр, — диир Генеральнай консул Цуй Гоцзе.

СӨ Тас сибээскэ уонна норуоттар дьыалаларыгар миниистир Гаврил Кириллин Хабаровскайга КНР Генеральнай консульствотыгар өйөбүллэрин иһин махталын биллэрдэ. Кини муус устарга уонна ыам ыйыгар  Чжэцзян провинциятын Чжоушань куоратын Норуодунай Бырабыыталыстыбатыттан, Хэйлунцзян Норуодунай Бырабыыталыстыбатыттан, экэниэмикэни уонна технологияны сайыннарыыга Хэйлунцзяннааҕы кылаабынай хампаанньаттан гуманитарнай көмөлөр кэлбиттэрин эттэ. Итини сэргэ, бырааттыы сыһыаннаһыылар чэрчилэринэн, Хэйлунцзян провинцияларын куораттарыттан өрөспүүбүлүкэбит улуустарыгар эмиэ көмөлөр кэлиэхтээхтэрин иһитиннэрдэ. Бу туһунан биһиги хаһыаппытыгар миниистир Гаврил Кириллин сиһилии сырдатан турар.

+1
0
+1
0
+1
0
+1
0
+1
0
+1
0
+1
0