ЫЙЫТЫЫ: Быйыл саас уу дэлэйдик кэлэн, өрүскэ көҥдөй луук үүннэ. Онон Павловскай уонна Хатас арыыларыгар лууктааччылары тиэммит мотуордар субустулар. Иһиттэххэ, ыал оҕолуун-уруулуун бары тахсан үргээбиттэр. Хастыы эмэ куулу хомуйбуттар дииллэр. Бэл, кытайдар кытта үргүү аҕай сылдьалларын көрбүттэр.
Итиччэ элбэх луугу ханна гыныахтарай? Туттарыахтарын наада. Бэйэ атыылыы сатыыра эрэйдээх соҕуһа биллэр. Онон луугу тутуунан кимнээх дьарыктаналларын билэн, суруйаргыт буоллар. Дьон дохуоттаныа этилэр.
И.АФАНАСЬЕВ.
Дьокуускай.
Хоруй: Дьокуускайтан ааҕааччыбыт И.Афанасьев ыйытыытыгар быйыл төрүттэммитэ 100 сылын туолар “Холбос” респотребсоюз бырабылыанньатын бэрэссэдээтэлэ Петр Коркин маннык хоруйдаата:
— Кырдьык, күөх луугу туттарыыга нэһилиэнньэ интэриэстээҕэ чахчы. Биһиги “Дьокуускайдааҕы райпо” тэрилтэбит уонна остолобуойбут, хомойуох иһин, күөх луугу нэһилиэнньэттэн тутууну түмүктээтилэр. Сыанатын туһунан этэр буоллахха, киилэтин 250 солк. туттулар. Атын тутар тэрилтэ, баҕар, баара буолуо, ханныгын билбэппин.
Хаартыска: интэриниэттэн
+1
+1
+1
+1
+1
+1
+1