«Күбэйэ» 15 сылын бэлиэтээтэ

Ааптар: 
Бөлөххө киир:

  Хаҥалас улууһун Өктөм нэһилиэгэр «Күбэйэ» дьахтар уопсастыбаннай тэрилтэтэ тэриллибитэ 15 сылын бэлиэтээтилэр. 

edersaas.ru

Бу үөрүүлээх түгэҥҥэ Эркээни хочотун дьахталларын сэбиэттэрэ Өктөмтөн, Төхтүртэн уонна Чапаевоттан мустан, кэмпириэнсийэ тэрийдилэр. СӨ Дьахталлар уопсастыбаннай тэрилтэлэрин сойууһун салайааччылара бэйэлэрин эҕэрдэлэрин тиэртилэр, сонун сүүрээннэри олоххо киллэрэллэригэр баҕардылар.

Актыбыыс дьахталларга СӨ Дьахталлар тэриллэрин сойууһун бэрэссэдээтэлэ, «Арассыыйа дьахталларын туһугар» народнай партия салайааччыта Анжелика Андреева Бочуотунай грамоталары туттарда.

Үөрүүлээх тэрээһин чэрчитинэн «Күбэйэ хотун» диэн дьахталлар куонкурустара буолла.

Дьахталлар сэбиэттэрэ бэйэлэрин социальнай бырайыактарын көмүскээтилэр, «төгүрүк остуолга» тыа сирин дьахталларын уопсастыбаннай олоххо көҕүлүүр боппуруостары дьүүллэстилэр.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0