Өймөкөөн көмүсчүттэрэ сыстыганнаах дьаҥы бохсууга үлэлэһэллэр

Ааптар: 
Бөлөххө киир:

Ил Дархан Айсен Николаев өрөспүүбүлүкэ ааспыт сыллааҕы үлэтин-хамнаһын Ил Түмэҥҥэ отчуоттууругар хайысхаларынан ырытан чопчулааһыныгар,   бырамыысыланнас тэрилтэлэрэ өрөспүүбүлүкэ социальнай сайдыытыгар бэйэлэрин сүҥкэн кылааттарын киллэрэллэрин бэлиэтээбитэ.

edersaas.ru

Бу күннэргэ Өймөкөөн улууһун баһылыга Иннокентий Сивцев көмүс хостуур тэрилтэлэр салайааччыларын кытта сыстыганнаах дьаҥы бохсууга ыытыллар үлэ туһунан мунньахтаата.

Мунньах кыттыылаахтарыгар улууска коронавируһу утары ыытыллар үлэ туһунан СӨ Роспотребнадзорун Өймөкөөн улууһунааҕы управлениетын территориальнай салаатын салайааччыта Анна Старкова билиһиннэрдэ уонна ирдэниллэр ыйыыны-кэрдиини кытаанахтык тутуһалларыгар ыҥырда. Улуус баһылыга оройуон киинигэр муус устар ортотугар арыллыбыт обсерваторы аһан үлэлэтиигэ көмүс хостуур тэрилтэлэрэ үбүнэн өйөөбүттэрин түмүгэр, кылгас кэм иһигэр бары ирдэниллэр усулуобуйа тэриллибитин иһитиннэрдэ.

Муниципалитет баһылыга хас биирдии спонсорга ис сүрэҕиттэн махтанан туран, Ил Дархан Айсен Николаев Махтал суругун туттарда.

Ол курдук, сыстыганнаах дьаҥы бохсууга дьоһуннаах көмөнү оҥордулар:

  • «Поиск Золото» ХЭУо (генеральнай дириэктэр: Андрей Витальевич Каздобин) 3 178 071,60 солк. биэрдэ. Бу үбүнэн улуустааҕы балыыһа инфекционнай отделениета өрөмүөннэнэ турар.
  • «Западная» ГРК (салайааччы: Андрей Викторович Прилипин) 300000 солк. биэрбитигэр, улуустааҕы киин балыыһаҕа ИВЛ аппараатын атыыластылар.
  • «Сарылах-Сурьма» ААУо (управляющай дириэктэр: Александр Анатольевич Копяков, производство дириэктэрэ: Александр Олегович Масюков).
  • «Тарыннааҕы көмүһү урууданан хостуур хампаанньа» ААУо (салайааччы: Коротаев Игорь Геннадьевич).
  • «Восток» ХЭУо (салайааччы: Егор Олегович Лысенко).
  • «Фортис» ХЭУо (толорооччу дириэктэр Пюрвя Валерьевич Кармадаев).                                                                                                                         Бу көмүс хостуур тэрилтэлэр оройуон киинигэр Уус Ньараҕа тэриллибит медицинскэй обсерваторы бары ирдэнэр тээбириннэринэн уонна тэриллэринэн толору хааччыйбыттара.

Улуус баһылыга Иннокентий Сивцев оройуон социальнай-экэнэмиичэскэй сайдыытыгар бэйэлэрин сүҥкэн кылааттарын киллэрбиттэрин бэлиэтээн туран, Тымныы полюһун көмүсчүттэригэр дьоһуннаах өйөбүллэрин иһин махтанна.

Елена ПОТОЦКАЯ, «Саха сирэ» хаһыат, edersaas. ru

+1
0
+1
0
+1
0
+1
0
+1
0
+1
0
+1
0