Таатта аҕам саастаахтара волонтердарга, чугас дьонноругар, оҕолоругар махтаналлар. «Коронавирус тарҕамматын, биһигини дьаҥҥа хаптарбатыннар, этэҥҥэ буоллунар диэн кыһамньыларын көрүҥ. Итинник көрөр-истэр, өйүүр-убуур, көмөлөһөр дьонноох буолан бараммыт, этэҥҥэ сырыттахпытына табыллар», — дэһэллэр.
Улуустааҕы ыччат отделын салайар Иван Иванов волонтердар ахсааннара элбиирин этэр.
—Волонтердар этэрээттэригэр киирэн үлэлэһиэн, дьоҥҥо көмөлөһүөн, үчүгэйи оҥоруон баҕалаах дьоммут элбээн иһэллэрэ үөрдэр, санаабытын бөҕөхсүтэр. Маннык үтүө санаалаах дьонноохпутунан киэн туттабын.
Нэһилиэктэрбитигэр тигинэччи уонна көхтөөхтүк үлэлии сылдьаллар. Бүгүн улуус үрдүнэн барыта холбоон 42 сайаапка киирдэ уонна барыта толорулунна.
Дьиэҕэ хааччахтанан олорор дьон ордук ас-үөл, хаһаайыстыбаҕа туттуллар ол-бу наадалаах мал-сал, эмп-томп үлэһэллэр. Дьиэ тас үлэтигэр да көмөлөһүннэрэллэр.
«Ыксаллаах кэммитигэ көмөлөһөн абыраатыгыт,» — диэн махтанааччы элбэх. Онтон волонтердарбыт: «Дьоммутугар-сэргэбитигэр өйөбүл буоллахпытына табыллар», — дэһэллэр.
Бу курдук үлэлии-хамсыы сылдьабыт. Күн ахсын барытын түмэн, ханна төһө сайаапка киирбитин көрөбүт. Дьон-сэргэ санаатын истэбит. Маныаха аҕам саастаахтар махталлара биһиэхэ күүһү-эрчими биэрэр, — диэн кэпсээтэ.
Хаартыскалар улуустааҕы ыччат отделыттан