Александра Иванова: «Төрүт Сокуоҥҥа уларытыылары киллэрии социальнай мэктиэлэри бигэ туруктуур»

От ыйын 1 күнүгэр буолуохтаах Төрүт Сокуоҥҥа уларытыылары киллэрэр куоластааһын туһунан Сунтаар улууһун олохтооҕо, уопсастыбанньык, нэһилиэк сэбиэтин дьокутаата Александра Иванова санаатын үллэстэр:

— Төрүт Сокуоҥҥа уларытыылары киллэрии социальнай мэктиэлэри бигэ туруктуур. Судаарыстыба устуоруйатыгар аан бастакытын биэнсийэни индексациялааһыны олохтоох быраабыгар сокуонунан киллэриэҕэ уонна экэнэмиичэскэй кэриҥҥэ сигэниэҕэ. Ол аата, дойдубутун кэнэҕэс салайар дьон биэнсийэни суох оҥоруо да, быһыа да суохтара.

Ону таһынан, судаарыстыбаҕа сулууспалааччылар икки гражданствоны ылаллара көҥүллэммэт. Ол, биллэн турар, кинилэр дойдуларын иннигэр эппиэтинэстэрин үрдэтиэҕэ.

Мин төрөппүттэр, чуолаан аҕалар, оҕолорун иннилэригэр эппиэтинэстээх буолуулара Төрүт Сокуон таһымыгар мэктиэлэнэрин сөбүлээтим. Бу инники көлүөнэ иитиллэн тахсарыгар үтүөтүк дьайыаҕа дии саныыбын. Мин уларытыылары киллэрэр иһин куоластыыбын.

edersaas.ru