Саха сирин көҥүл тустууга сүүмэрдэммит хамаандатын сүрүн тириэньэрин эбээһинэһин толорооччу Александр Оконешников Красноярскай куоракка (тохсунньу 23-26 күннэригэр) ыытыллар Иван Ярыгнин турнирыгар туста барар бөҕөстөр испииһэктэрин иһитиннэрдэ.
Иван Ярыгин аатынан спорт дыбарыаһын көбүөрүгэр 17 саха бөҕөһө кыттыаҕа.
Саха сирин сүүмэрдэммит хамаандатын састааба:
57 киилэҕэ: Арыйаан Тютрин, Петр Копылов, Алексей Копылов, Петр Константинов, Егор Потапов, Георгий Окороков.
Ону таһынан бу ыйааһыҥҥа Македонияттан Владимир Егоров киирсиэҕэ.
61 киилэҕэ: Ньургун Александров, Петр Павлов.
65 киилэҕэ: Виктор Рассадин, Айсен Потапов.
70 киилэҕэ: Револий Самсонов.
92 киилэҕэ: Ньургун Сергин.
97 киилэҕэ: Максим Толмачев.
Красноярскайга маны сэргэ кыргыттар эмиэ кытталара күүтүллэр: Александра Карамзина, Севиль Назарова, Алина Казымова.
Бэлиэтээн суруйар буоллахха, Красноярскайга ыытыллар турнир, Европа чөмпүйэнээтигэр сүүмэрдиир түһүмэҕинэн буолуоҕа. Ол күрэхтэһии түмүгүнэн Олимпиадаҕа хамаанданы талыы учуоттаныаҕа.
Ульяна ЗАХАРОВА, edersaas.ru